Një kuzhinier personal i ish-presidentit amerikan, Barack Obama është gjetur i mbytur në një liqen të vogël brenda pronës së familjes. Tafari Campbell, 45 vjeç, ka punuar në Shtëpinë e Bardhë përpara se të qëndronte me familjen Obama.
Të dielën, ai u zhduk në ujërat e Edgartown Great Pond në Martha’s Vineyard. Policia e Shtetit të Massachusetts bëri të ditur se një varkë ishte parë duke hasur vështirësi në bregun e Edgartown, në të cilën ishte parë kuzhinieri.
“Tafari ishte një pjesë e dashur e familjes sonë. Kur e takuam për herë të parë, ai ishte një kuzhinier i talentuar në Shtëpinë e Bardhë, kreativ dhe i pasionuar pas ushqimit dhe aftësisë së tij për të bashkuar njerëzit,” tha ish-zonja e parë Michelle Obama.
Policia deklaroi se familja Obama nuk ishin në shtëpi në kohën e incidentit. Ndërkohë autoritetet nuk kanë dhënë detaje për ngjarjen.
