Policia e Shtetit publikoi pamjet e operacionit të koduar “Metamorfoza”, ku SPAK lëshoi 15 urdhër-arreste për personazhe të njohur të krimit, biznesit, drejtësisë dhe policisë, pas përgjimeve të ardhura nga autoritetete franceze, pas çkodimit të mesazheve në aplikacionet “Sky” dhe “Encro”.
Ata akuzohen për disa vrasje dhe disa atentate të mbetura në tentatovë, teksa vetëm 6 pesona u arrestuan dhe 9 të tjerë janë shpallur në kërkim. Personat e arrestuar janë shtetasit: Pëllumb Gjoka, Edmond Preka, Ardit Hasanbega, Astmer Bilali, Oltion Bistri dhe Xhevahir Lita. Ndërsa, në kërkim janë shpallur shtetasit: Behar Bajri Brahoviç, Ervis Martinaj, Denis Bajri Brahoviç, Klaudio Haka, Prekë Kodra, Aleks Ndreka, Arsat Bashli, Bardhyl Mavraj, Elion Hato.
Siç vihet re dhe nga emrat, dy prej tyre janë anëtarë të grupit “Bajri”, ku Policia ka ushtruar kontrolle në banesat e tyre. Në njoftimin e saj, Policia bëri me dije se ka sekuestruar pajisje elektronike monitorimi (servere dhe kamera) me të cilat monitoreshin ambjente të jashtme në zona të ndryshme të qytetit të Shkodrës.
Siç duket, operacioni “Fijet”, i ekzekutuar pak kohë më parë nga Policia e Shtetit nuk i ka prekur, “bosët” e mëdhenj të krimit në Shkodër. Fijet e kamerave të tyre nuk i ka prerë askush dhe ata vazhdonin të ndiqnin çdo lëvizje të rivalëve të tyre në krim në qytetitn e Shkodrës, por edhe të Policisë. Kjo është dhe arsyeja ndoshta pse ata arritën t’ju shpëtonin prangave, pasi mund të kenë ndjekur lëvizjet e Policisë.
Uniformat blu bënë me dije se pas kontrollit të ushtruar në 26 banesa dhe ambjente, sekuestruan në total: 8 armë zjarri (6 pistoleta, 1 automatik, 1pushkë), municion luftarak, 19 karikatorë për mbajtje municionesh, 2 baza për vendosje snajperi , 3 armë gjahu, , 2 baza karikues radiosh policie, 2 armë të ftohta, 3 maska, 1 paruke, 8 automjete (4 prej tyre të blinduara), 1 kamera kurth, 2 targa automjetesh, 3 ora dore të markave të shtrenjta, 3 409 000 lekë, 31 205 euro, 4 400 dollarë, 3 USB, 7 DVR, 28 celularë dhe 1 laptop.
Të arrestuarit dhe të shapllurit në kërkim akuzohen për ngjarjet kriminale të ndodhur gjatë vitit 2020 dhe 2021 në Shkodër, më konkretisht për:
-Vrasjen Gjin Boriçi Ndoji, në Shkodër në gusht 2020.
-Vrasjen e mbetur në tentativë të Taulant Pepaj, në Shkodër në shkurt 2021
-Sigurimin e kushteve për vrasjen e Kleant Musabelliut në Tiranë shtator 2020.
-Sigurimin e kushteve për vrasjen e Dorjan Dhuli, Ibrahim Licit dhe Genc Tafilit, në 2020.
