Një episod jo fort i këndshëm ka ndodhur në minutën e 85-të të miqësores Skënderbeu-Malisheva.
Trajneri Ivan Gvozdenoviç vendosi të zëvendësonte Gresild Likën edhe pse ky i fundit ishte futur në fushën e lojës në minutën e 67-të.
Sapo Gresild Lika ka mësuar se do ndërrohej, ka bërë një veprim jo të këndshëm ndaj trajnerit duke kundërshtuar këtë vendim në sy të presidentit Ardjan Takaj, veprim të cilin presidenti e pa mjaft mirë pasi ishte përballë tij.
Pas ndeshjes për këtë veprim të Likës, ka reaguar trajneri Ivan Gvozdenoviç që ka sqaruar:
“Ishte një veprim i nxituar, por që gjithsesi i kuptueshëm, pasi kur nuk pëlqehen ndërrimet reagon në këtë mënyrë. Gjithsesi Lika është një lojtar shumë i mirë dhe prisja shumë prej tij. Mendova ta zëvendësoja dhe kaq. Gjithçka u sqaruar dhe nuk ka asnjë problem.”
