Fshati Peshtan në Fier dhe fusha e mbetjeve në Vlorë po digjen prej disa ditësh. Ministri i Mbrojtjes, Niko Peleshi në varësi të së cilit është edhe Emergjenca Civile deklaroi se situata është kritike në këto dy pika.
“Sa herë ka zjarr, ka një lloj dështimi nga rrjeti i monitorimit që fillon nga kryepleqtë e fshatrave. Nëse njoftohet herët nuk ka mundësi që zjarri të marrë përmasa të mëdha”- tha ai.
Teksa pranoi dështimin, Peleshi ua “ngeci fajet” bashkive duke mos i mbajtur vetë përgjegjësitë.
“Kur të shterojnë burimet, kemi një suport nga mekanizimi europian i ndihmës.
Ka bashki që nuk e kanë parësore punën e emergjencave civile. Vendosnin një njeri atje, që as emrin nuk ia dinë. Ka disa bashki dhe rajone që nuk funksionojnë si duhet”-tha ai.
