Ka nisur dorëzimi i kutive të votimit në ambientet e KZAZ 43, pas përfundimit të procesit të votimit për zgjedhjet e pjesshme lokale për kreun e ri të Bashkisë së Rrogozhinës.
Kandidatë në garë janë ai i PS-së, Edison Memolla dhe kandidati i koalicionit “Bashkë Fitojmë”, Shkëlqim Hoxha, ku më 14 Maj, diferenca mes tyre ishte vetëm 21 vota në favor të kandidatit socialist.
Burime për mediat bëjnë me dije se numërimi i votave pritet të nisë rreth orës 11:00. Të drejtë vote kishin rreth 33 mijë qytetarë. Pjesëmarrja në këto zgjedhje u konsideruar e lartë, pasi deri në orën 18:00 sipas KQZ-së kanë votuar 36.04%. Në zgjedhjet e 14 majit pjesëmarrja në total ka qenë 32.02%.
Kujtojmë se gjatë votimeve u regjistruan disa incidente, me praninë e personave të paautorizuar në qendrat e votimit. Ndërkohë policia konfirmon shoqërimin e dy personave për verifikim, të cilët tentuan të fotografonin votën.
