Michael Phelps, notari legjendar amerikan, vendosi të largohej nga garat shtatë vite më parë, si një nga më të suksesshmit në histori.
Dhe menjëherë nisi gara për të thyer rekordet e “Peshkaqenit” i cili kishte vendosur të tilla thuajse në çdo disiplinë ku kishte marrë pjesë.
Këtë të shtunë, Phelps pa se si rekordi i tij i fundit ra dhe ndodhi në mënyrë spektakolare në Kampionatin Botëror të Notit në Japoni, ku 21-vjeçari francez Leon Marchand, masakroi kohën e amerikanit, i pranishëm në akuadrom për të ndjekur garën.
Marshand vendosi rekordin e ri të botës në garën e 400 metrave mikse individuale, 4:02.50, duke përmirësuar me 1,34 sekonda kohën që Phelps kishte vendosur në Olimpiadën e Pekinit në vitin 2008.
Në fakt Phelps mbante rekordin botëror në këtë garë që nga viti 2002, por e kishte përmirësuar atë vazhdimisht.
“Ishte çmenduri, një nga gjërat më me dhimbje që kam bërë”, tha Marshand i entuziazmuar pas garës ku ishte vetë Phelps ai i cili i dorëzoi medaljen djaloshit francez që stërvitet në SHBA nga ish-trajneri i amerikanit.
#Fukuoka2023 – 🏊♂️ CM 400M 4 NAGES
🥇 Léon Marchand 🇫🇷 4:02.50 WR
🥈 Carson Foster 🇺🇸 4:06.56
🥉 Daiya Seto 🇯🇵 4:09.41Léon Marchand conserve son titre et s’empare du dernier record du monde détenu par Michael Phelps 🤯 !
MONSTRUEUX 😱#Natation pic.twitter.com/p024mppg0f
— MR.CARTER (@NelsonCarterJr) July 23, 2023
