Zonja Franceska, italiania që sot ka pasaportë shqiptare, pas shumë vitesh jetese në vendin tonë, rrëfeu në “Real People” jetën e saj si nënë e 12 fëmijëve.
Në intervistën e saj, Françeska tha se ka ardhur në Shqipëri si misionare katolike dhe theksoi se kurrë nuk e mendonte se do të kishte një familje kaq të madhe.
Françeska nënvizoi se të jesh nënë e 12 fëmijëve është shumë e vështirë, pasi rreth 25 viteve të fundit nuk e ka bërë njëherë gjumin e plotë.
Ajo shton se pavarësisht vështirësive ajo qëndron e fortë, duke e bërë të besojë se Zoti ekziston.
“Asnjë prej tyre nuk nuk ka fjetur natën, unë kam 25-vite që nuk fle një natë resht. Çohesha 5-6 herë gjatë natës, pothuajse çdo një orë. Unë prandaj jam e bindur që Zoti ekziston, unë nuk e di s’i jam gjallë. Çdo natë jam e zgjuar gjatë natës. Jam e sigurt 100% që Zoti më ka dhënë fuqi”, tha Françeska.
