Detaje të reja kanë dalë në lidhje me aksidentin, fatmirësisht pa viktima që ndodhi mbrëmjen e sotme në aksin Berat-Poliçan, në fshatin Vërtop. Një autobot uji duke ikur drejt qytetit të Poliçanit, ka humbur kontrollin në një kthesë.
Kjo ka bërë që mjeti të dalë nga rruga dhe të përplaset me bordurën anësore të saj. Si pasojë e aksidentit ka mbetur i plagosur pasagjeri, Guri Baholli, i cili është transportuar me thyerje të shumta drejt Spitalit Rajonal Berat, ku ndodhet nën kujdesin e mjekëve.
Forca të shumta policie ndodhen në vendngjarje, të cilat po kryejnë kqyrjen e zonës, për të kuptuar dinamikën e aksidentit.
Si pasojë e këtij aksidenti është bllokuar për rreth një orë aksi nacional Berat-Poliçan, i cili ka funksionuar me një korsi të vetme, nën monitorimin e forcave të policisë.
