U luajt ditën e sotme në stadiumin e Vorës, miqsorja mes vendasve të Artan Mërgjyshit dhe Dinamos, që përfundoi me shifrat 0-1 për dinamovitët.
Golin e vetëm të sfidës e shënoi mbrojtësi Rustem Hoxha, në minutën e 35-të.
Kujtojmë që 32-vjeçari nga Durrësi, iu bashkua skuadrës së Dritan Mehmetit, në këtë merkato vere nga skuadra e Ballkanit.
Vlen të theksohet fakti se Vora këtë sezon do të militojë në Kategorinë e Parë, ndërsa dinamovitët në elitën e futbollit shqiptar.
Me lëvizjet e bëra deri tani në merkato, duket se si vorakët ashtu edhe Dinamo, do të kenë objektiva serioze dhe duket se nuk do të mjaftohen vetëm me mbijetesën.
