Shkrimtari i njohur çeko-francez, Milan Kundera, autori i famshëm i ”Lehtësia e papërballueshme e qenies”, vdiq në moshën 94-vjeçare.
Lajmin e konfirmoi në emër të bashkëshortes, një zëdhënëse e bibliotekës ”Moravian” në qytetin çek të Brnos.
“Fatkeqësisht mund të konfirmoj se z. Milan Kundera ndërroi jetë dje (e martë) pas një sëmundjeje të zgjatur”, tha ajo për AFP.
Kundera fitoi vlerësime për stilin e tij që përshkruante tema dhe personazhe që lundronin midis realitetit të zakonshëm të jetës së përditshme dhe botës së lartë të ideve.
Romancieri jetoi në Francë që nga emigrimi i tij nga Çekosllovakia e sunduar nga komunistët në 1975.
I lindur më 1 prill 1929 në qytetin e dytë çek të Brno-s, Kundera shkroi poema dhe tregime të shkurtra përpara se romani i tij i madh, “Shaka” të botohej në 1967.
