Familja Halilaj ka hapur dyert e mortit, pas tragjedisë që ndodhi një ditë më parë në Vilë-Bashtovë të Kavajës, ku 50-vjecari Elvis Halilaj humbi jetën bashkë me dy djemtë e mitur.
Tre pjesëtarët e familjes nga Tirana, 50 vjeç 13 dhe 16 vjeç janë përcjellë sot për në banesën e fundit.
Ceremonia mortore për ta u mbajt në orën 13:00 në Tiranë.
50-vjecari Elvis Halilaj ishte futur bashkë me dy djemtë e tij të mitur në det për tu larë në plazhin e Vilë Bashtovës, por fatkeqësisht u mbytën për shkak të detit me dallgë të larta. Një peshkatar i zonës i pajisur me një kajak por edhe me ndihmën e personave të tjerë që ndodheshin pranë, bënë të mundur nxjerrjen e tre trupave të pajetë nga uji.
