Një konflikt që ka degraduar në përplasje fizike raportohet të ketë ndodhur në Fushë-Kosovë.
Mësohet se tre shqiptarë të Kosovës, janë përleshur me njëri-tjetrin pas një mosmarrëveshjeje në ashensorin e një objekti banimi.
Policia bën me dije se tre të dyshuarit kanë pësuar lëndime dhe janë dërguar në spital për marrjen e ndihmës së nevojshme mjekësore. Ende nuk dihet shkaqet e sherri, ndërsa rasti është në hetim.
“Të dyshuarit si pasoj e lëndimeve kanë pranuar tretman mjekësor, ku njëri prej tyre është dërguar në QKUK dhe mbetet në tretman mjekësor. Me vendim të prokurorit, njëri prej të dyshuarve është dërguar në mbajtje, kurse tjetri është liruar në procedurë të rregullt”, njofton Policia e Kosovës.
