Fermerët e Boçovës ankohen se po shkojnë drejt falimentimit, ndërsa thonë se prodhimet e tyre po thahen pasi mungojnë kanalet e vaditjes të cilat nuk janë pastruar. Deri më sot asnjë institucion nuk ka marrë masa për fermerët e Boçovës në Fier, ndonëse gjatë fushatës u kanë premtuar se do u zgjidhin hallin e tyre.
Për shkak të mungesës së ujit për vaditje, fermerët thonë se prodhimet bujqësore të stinës po u thahen në ara. Ata kanë pohuar se dëmet janë të mëdha. Fermerët kanë hektarë të tëra të mbjella me misër, ku kanë investuar miliona lekë dhe nga mungesa e vaditjes dalin me humbje për mos marrje të rendimentit të duhur.. Ata sqarojnë se kanalet vaditëse janë mbuluar dhe janë bërë rrugë për të kaluar nga arat, kolektorët kryesorë janë pa ujë dhe të pa pastruar.
Dikur fshati ka pasur 750 familje, por për shkak të mungesës së investimeve në infrastrukturë, kanë mbetur afro 250 familje./Syri TV.
