Komandanti i Përgjithshëm i Forcave të Armatosura të Ukrainës, gjenerali Valery Zaluzny, i tha kryetarit të shefave të përbashkët të shtabit të SHBA, gjeneral Mark Miley se kundërofensiva e Ukrainës po përparon siç pritej.
“Kam pasur një bisedë telefonike me kryetarin e shefave të përbashkët të shtabit, gjeneralin Mark Miley. E informova për situatën operative në vijën e parë. Ushtarët ukrainas vazhdojnë të kryejnë veprime sulmuese aktive. Situata po zhvillohet sipas planit, iniciativa është në dorën tonë”, tha Zaluzny në një postim në Facebook të enjten.
Zaluzny falenderoi gjithashtu Miley-n për mbështetjen e vazhdueshme të Shteteve të Bashkuara për Ukrainën dhe tregoi nevojat e ushtrisë së tij për ndihmë ushtarake.
