Sergio Ramos ëndërronte rikthimin te Sevilla, por duhet të presë ende.
Ish-kapiteni i Real Madridit e kishte shprehur publikisht dëshirën për të mbyllur karrierën aty ku e nisi.
Por tashmë duhet të gjejë një tjetër klub pas ndarjes me PSG-në.
Zëvendëspresidenti i rekordmenëve të Europa League, Jose Maria del Nido Carrasco, ka përjashtuar mundësinë e firmës me 37-vjeçarin.
“Sot për sot, Sergio Ramos nuk është një opsion për Sevillan. Unë kam një marrëdhënie shumë të mirë me të, ai është një futbollist i mrekullueshëm, i cili ka dalë nga akademia jonë. Por nuk ka asgjë konkrete mes tij dhe Sevillas”, thekson zyrtari i klubit andaluzian.
Një ndër qendërmbrojtësit më të mirë në histori, ishte pjesë e PSG-së në dy sezonet e fundit.
