Influenceri kontrovers britanik, Andrew Tate akuzohet bashkë me të vëllanë, Tristan Tate për trafikim njerëzor dhe përdhunim në Rumani. Vetë ai, së bashku me të vëllanë, Tristan, Luana Radu dhe Georgina Naghel janë në arrest shtëpie pasi u ndaluan nga viti i kaluar.
Ndërkohë që çështja e tij vazhdon që të hetohet nga drejtësia rumune, Andrew është shfaqur në podcast-in “Anything Goes with James English”, ku ka folur rreth akuzave e për gjithçka tjetër që është përmendur gjatë kësaj kohe.
Tate tregoi ndjesinë që kishte pasur pak para arrestimit dhe arsyen se përse nuk kishte qëndruar në Rumani, vend që pretendon se e do shumë.
“Pse nuk qëndrove atje?”– pyetet ai.
“Sepse e dua Rumaninë, kam qëndruar atje për 7 vjet. 99% e rumenëve që kam takuar më kanë kërkuar falje. Njerëz që kam takuar në rrugë, efektivë policie, në gjyq. Të gjithë e kuptojnë se çfarë po ndodh. Janë njerëz të mirë. U vjen vërtet keq, është një vend i mirë i mbushur me njerëz të mirë, erdha të bëj gati valixhen dhe më kapën. E dija që po kurdisnin diçka. Isha më shumë i shqetësuar për gangsterë shqiptarë sepsa për ligjin, sepse nuk e kam thyer kurrë ligjin. Si dikush që nuk e kam thyer kurrë ligjin, nuk e kam pasur kurrë frikë.”– tha Tate.
