Testamenti i Silvio Berslusconi është hapur para dy dëshmitarëve, avokatëve Luca Fossati të firmës Chiomenti dhe Carlo Rimini.
Tashmë pritet leximi për fëmijët e ish-presidentit legjendar të Milanit
Sipas asaj që shkruajnë mediet italiane, Fossati përfaqësonte kryesisht fëmijët e tij Marina dhe Pier Silvio, kolegu i Rimini i Barbara, Eleonora dhe Luigi. Të dy u larguan nga zyra e noterit milanez në mes të ditës, duke mos dhënë asnjë detaj.
Në orët e ardhshme pritet të bëhen të ditura detaje mbi ndarjen e pasurisë së Berlusconit, sipërmarrësit dhe drejtuesit të “Forza Italia”, i cili vdiq më 12 qershor në moshën 86-vjeçare. Megjithatë përmbajtja e testamentit nuk iu bë e ditur shtypit italian, për të mos ndikuar në kompanitë e listuara në bursë, duke filluar me Mediaset.
Noteri Arrigo Roveda, kujdestar i testamentit të Silvio Berlusconit, u largua nga zyra e Milanos duke u thënë gazetarëve të pranishëm “është e kotë të qëndrosh këtu, nuk do të dish asgjë nga unë. Nuk mund të them asgjë. Nuk do të dini asgjë as sot, as nesër, as kurrë.”.
Silvio Berlusconi ndërroi jetë në moshën 86-vjeçare pasi vuante prej kohësh nga leuçemia kronike mielomonocitare. Ai doli nga spitali më 19 maj, pas 45 ditëve të kaluara duke trajtuar pneumoninë dhe problemet me veshkat dhe duke vazhduar trajtimin për leuçeminë.
Mirëpo, përkeqësimi i gjendjes së tij shëndetësore bëri që të kthehej sërish në spital më 9 qershor. Fatkeqësisht gjendja shëndetësore e tij u përkeqësua duke u ndarë nga jeta më 12 qershor.
