Një djalë shtatë vjeçar polak dhe nëna e tij kanë vdekur pasi ranë në ujë nga një traget që udhëtonte nga Suedia në Poloni këtë javë.
Autoritetet suedeze thanë se fëmija ra nga trageti Stena Spirit dhe nëna e tij u zhyt në det pas tij në një përpjekje të dukshme shpëtimi. Djali ra nga një lartësi prej rreth 65 metrash në ujin e ftohtë të detit Baltik.
Pasagjerët në traget panë të tmerruar ndërsa një helikopter erdhi në vendin e ngjarjes për të gjetur dhe shpëtuar të zhdukurit. Nënë e bir u gjetën dhe dhe u transportuan në një spital suedez.
Sipas medieve polake, nëna dhe djali qëndruan në ujë për rreth një orë para se të vinte helikopteri i kërkim-shpëtimit. Policia polake tha se të dy ndërruan jetë pak momente pasi erdhën në spital si pasojë e hipotermisë.
Trageti suedez, Stena Spirit, kishte 310 pasagjerë në bord dhe ishte në Detin Baltik në mes të rrugës për në Gdynia në Poloni nga Karlskrona të Suedisë kur ndodhi incidenti.
