Terminali 2 i aeroportit të Bangkokut në Tajlandë është përfshirë nga kaosi, teksa një turiste femër ka humbur një prej gjymtyrëve të saj për shkak të shkallës elektrike.
Mjekët e aeroportit u detyruan të amputojnë këmbën e saj, pasi konstatuan që kishte ngecur në shkallën elektrike.
Pasagjerja 57-vjeçare tajlandez raportohet se do të fluturonte nga aeroporti Don Mueang për në provincën jugore Nakhon Si Thammarat këtë mëngjes.
Por në një aksident të frikshëm, ajo u ndal mbi valixhen e saj rozë para se këmba e saj e majtë të tërhiqej zvarrë nga shina.
Kalimtarët e tmerruar u përpoqën të shtypnin çelësin e urgjencës për të ndalur shkallën elektrike, teksa makineria vazhdonte të çante muskujt, tendinën dhe kockën e këmbës së saj.
Ekipit mjekësor përfundimisht iu desh t’i presë këmbën e majtë deri sipër gjurit, sipas zyrtarëve të aeroportit. Më pas ajo u dërgua në spitalin Bhumibol Adulyadej në kryeqytet për trajtim urgjent.
