Olivier Guerot, ambasadori i Francës i akredituar në Kosovë, e ka festuar Kurban Bajramin në një familje shqiptare. Në këtë ditë feste, ai ka qenë i ftuar nga kolegu shqiptar që punon në Ambasadën franceze në Prishtinë.
“Shumë i nderuar të festoj Bajramin në familjen e një prej punonjësve të Ambasadës. Urime Bajrami”, shkruan diplomati Olivier Guerot.
Ai ka ndarë një fotografi nga dreka e shtruar për Kurban Bajram në familjen e kolegut shqiptar, në llogarinë e tij zyrtare në Twitter. Populli shqiptar në Shqipëri e Kosovë, ka marrë këtë të mërkurë mesazhe të shumta urimi nga të gjithë përfaqësitë diplomatike.
