Mosdakortësia mes këshilltarëve të PS-së dhe atyre të opozitës mbi mënyrën e betimit të Fredi Belerit kanë sjellë përplasje gjatë mbledhjes së sotme të konsituimit të këshillit bashkiak të Himarës.
Këshilltarët e Bashkë Fitojmë kërkuan që kreu i ri i këshillit bashkiak Dhimitër Kapaj të lexojë vendimin e gjykatës për vlefshmërinë e mandatit të Fredi Belerit, ndërsa anëtarët socialistë nuk e kanë pranuar këtë gjë.
Po ashtu, këshilltarët e Bashkë Fitojmë propozuan që të krijohen lehtësia nga këshilli në mënyrë që ti mundojnë betimin si kryetar bashkie Fredi Belerit i cili ndodhet në qeli. Kërkesa u refuzua sërish nga socialistët.
Mbledhje u ndërpre dy herë teksa pati përplasje verbale mes palëve, derisa këshilltarët e “bashkë Fitojmë” e braktisën në kushtet kur hasën me kudnërshtinë e vazhdueshme të kolegëve socialistë.
Pak pas largimit të tyre, këshilltarët e mbetur votuan për shkarkimin e sekretarit të mëparshëm të këshillit, ndërsa më tej mbyllën mbledhjen.
Këshilli Bashkiak rizgjodhi sot Dhimitër Kapajn e PS kryetar të sajin.
Një prej këshilltarëve lexoi gjatë mbledhjes letrën në të cilën Beleri u drejtohet këshillit, ku akuzon kryeministrin Edi Rama për mbajtjen e tij në qeli dhe i bën apel ndërkombëtarëve të reagojnë.
