Senati Akademik i Universitetit të Korçës “Fan S. Noli” votoi unanimisht shkrirjen e këtij universiteti dhe bashkimin me universitetin e Tiranës, por duket se pas debatit masiv të shkaktuar një pjesë e mirë e anëtarëve kanë ndryshuar mendim dhe jozyrtarisht kanë deklaruar se nuk e kishin idenë se për çfarë po votonin.
Seanti i këtij universiteti ka dalë me një komunikatë zyrtare ku deklaron se vendimi nuk është përfundimtar, por do të rishqyrtohet në mbledhje e ardhshme.
Kujtojmë se pas debatit të shkaktuar vendimi për shkrirjen e universitet të Korçës, dha dorëheqjen dhe rektori Dhimitër Bello?
Deklarata e plotë
Ashtu siç jeni vënë në dijeni këto 24 orët e fundit nga diskutimet që janë bërë publike në media dhe në rrjete sociale, Senati Akedemik i UNIKO ndërmori një nismë për hartuar një strategji për kapërcimin e sfidave që e presin, nëpërmjet fillimit të procedurave dhe koordinimin e kritereve të bashkimit me Universitetin e Tiranës.
Pas një diskutimi më të gjerë në nivel njësie qendrore dhe njësie baze, kjo nismë do të rishqyrtohet në mbledhjet e ardhshme të organeve vendimmarrëse të Universitetit, te cilat do të dalin me një vendim përfundimar.
Ndërkohë, Universiteti « Fan S. Noli » vijon të jetë një institucion i arsimit të lartë në funksion të plotë të të gjitha detyrave dhe rolit te tij. Senati Akademik, Bordi i Administrimit, Rektori, Rektorati dhe Dekanatet e tij vijojne punen e tyre normale ne te mire te veprimtarise akademike, si nje insitucion i arsimit te larte qe permbush cdo pritshmeri dhe detyrim moral dhe akademik ndaj studenteve aktuale dhe atyre qe do ta zgjedhin ne vitet e ardhshme akademike.
