Përveç pasionit të madh për muzikën, artisti i njohur nga Mitrovica, Kreshnik Fazliu, i njohur me emrin e artit Mc Kresha, ka një pasion të madh edhe për futbollin.
38-vjeçari nisi ditë më parë një kurs për trajner në Shkodër. Dhe ia doli të merrte licencën e UEFA C.
Mc Kresha ka tashmë të drejtën të aplikojë për UEFA B. Ndërkohë, sot është bërë pjesë e një klubi dardan.
“Me kënaqësi ju njoftojmë se Mc Kresha ka pranuar të bashkohet me klubin e futbollit Phoenix. Si pjesë e stafit teknik dhe menaxher gjeneral.
E falënderojmë dhe na nderon për bashkëpunimin e tij me trajnerin Gani Sejdiu. Zyrtarizimi behet ne ditët ne vijim”, lexohet në postimin e FC Phoenix-Banjë. Klub që garon në divizionin e dytë të futbollit të Kosovës.
