Perla e Kristjan Asllanit u vlerësua si goli më i bukur i javës së katërt të kualifikueseve të Euro 2024. Mesfushori i Kombëtares mori më shumë vota në anketën e hapur nga UEFA në faqen e saj zyrtare. Goditja perfekte në takimin me Ishujt Faroe preku traun e portës përpara se të përfundonte në rrjetë.
Pak ditë më parë ishte një tjetër gol i një lojtari shqiptar që u zgjodh më i bukuri, ai i Jasir Asanit. Të dy ishin të rëndësishëm për Shqipërinë në fitoret e arritura me Moldavinë në Tiranë dhe me Ishujt Faroe në transfertë, duke shtuar shpresën për kualifikim në finalet e Kampionatit Europian të vitit të ardhshëm.
Kombëtarja ka 6 pikë dhe renditet e dyta. Emocionet e takimeve të Kuqezinjve tifozët i përcollën në ekranin e TV Klan që ka të drejtën e transmetimit për territorin e Shqipërisë deri në vitin 2026.
