Enea Karakaçi do të jetë drejtuesi i ri i OSHEE-së.
Karakaçi do të zëvendësojë Ardian Çelës, i cili pas përplasjeve me Belinda Ballukun u largua nga institucioni më i rëndësishëm i energjisë.
- Kush është Ena Karakaçi?
Karakaçi ka qenë më herët Drejtor i Përgjithshëm i Politikave dhe Zhvillimit të Energjisë dhe Industrisë pranë Ministrisë së Energjisë. Ai duket se është një nga njerëzit më të besuar të ministres Belinda Balluku.
Karakaçi ka përvojë të gjatë në sektorin e energjisë. Ai ka qenë Jurist në Entin Rregullator të Energjisë (ERE) në vitet 2012.
Në 2013 nga ERE transferohet te ministria e Infrastrukturës dhe Energjetikës. Fillimisht ishte specialist në ministri dhe vitet e fundit u emërua drejtor për sektorin e energjisë elektrike në Ministri.
Së fundmi ishte anëtar i Këshillit Mbikëqyrës të OSHEE group.
- Përplasjet Belinda Balluku – Ardian Çela
Më 10 janar 2023, pyetjes së gazetarëve nëse ishin të vërteta, fjalët e dala nga PS për shkarkimin e drejtorit të OSHEE, Ardian Çela, Balluku, iu përgjigj: ”Kush nuk zbaton standardet tona do largohet, por gjersa pyetët për emër konkret, duhet ta dini se asnjë nuk është i pa zëvendësueshëm“.
Mësohet se ata kanë patur një raport të prishur prej kohësh duke rezultuar në largimin e Çelës nga drejtimi i OSHEE-së pas 9 vitesh në detyrë.
