Toni Kroos do të qëndrojë te Real Madrid. Mesfushori gjerman ka rinovuar kontratën me madrilenët, teksa njoftimi është dhënë nëpërmjet kanalit zyrtar të Los Blancos.
Kroos ka zgjatur bashkëpunimin, të paktën edhe për një sezon. Ka qenë trajneri Carlo Ancelotti që ka dhënë dakordësinë e tij për këtë vendim dhe sot ka ardhur firma. 33-vjeçari luan për këtë skuadër që nga viti 2014, periudhë në të cilën vinte nga Bayern Munchen.
