Numri i emigrantëve që përpiqen të arrijnë në Evropë rritet dhe mënyrat e rrezikshme po rritin edhe numrin e vdekjeve në Mesdhe. Një peskatar është përballur me një skenë të trishtë, teksa ka kapur në rrjetën e tij trupin e pajetë të një fëmije, shkruan BBC.
Peshkatar i quajtur Oussama Dabbebi tregon se gjatë peshkimit, peshqit nuk janë të vetmit që bien në rrjetën e tij, por edhe trupa të pa jetë.
“Në vend që të marr peshk, ndonjëherë marr trupa të pajetë. Herën e parë u frikësova, pastaj hap pas hapi u mësova me të. Pas nxjerrës së shumë trupave pa jetë, tani më duket sikur nxjerr një peshk. Sapo gjeta trupin e një fëmije. Shpërtheva në lot, për të rriturit është ndryshe sepse ata kanë jetuar, ndërsa një foshnjë nuk ka parë asnjë gjë”,- tregon ai.
Peshkatari 30-vjeçar thotë se kohët e fundit gjeti trupat e pajetë të 15 emigrantëve në rrjetat e tij gjatë një periudhe tre-ditore. Ndër të tjera ai ka treguar se shumica e peshkatarëve i kanë shitur varkat e tyre kontrabandistëve për shuma të mëdha, pranë qytetit të dytë të Tunizisë, Sfax.
