Janë publikuar rezultate e provimit të Maturës Shtetërore për lëndën Gjuhë Shqipe dhe Letërsi. Linku ku mund shikoni notat është ky KËTU: http://qsha.gov.al/infos/matura_2023/d1/D1_rezultate.pdf
Provimin e kryen në total 27180 maturantë. 444 maturantë kanë marrë notën 4.00, duke mbetur, ndërsa 15 maturantë kanë arritur të marrin notën maksimale 10.00, duke rezultuar ekselentë. Kalueshmëria për këtë provim është 98.37% ndërsa nota mesatare është 7.34.
Shpërndarja e notave sipas “Portalit Studentor”
Pas publikimit të rezultateve ka ardhur një reagim dhe nga ministrja e Arsimit, Evis Kushi, e cila në një postim në rrjetet sociale shkruan se këtë vit ata që kanë shkëlqyer me rezultate të larta janë më shumë se vitin e kaluar.
Tashmë rreth 30 mijë maturantë, presin notat e provimit të Matematikës, të cilin e realizuan më 13 Qershor, teksa ditën e nesërme, më 19 Qershor, do të zhvillojnë dhe provimin e fundit, atë të lëndëve me zgjedhje.
Kujtojmë se në provimin e lëndës gjuhë e huaj kalueshmëria ishte 96.17% ndërsa nota mesatare 7.6 me ngelës në këtë provim të 1043 maturantë nga 30 mijë që futën në testim. Nota 10 u mor nga 384 maturantë.
Një fakt që vlen për t’u përmendur është edhe se tezat e provimeve janë publikuar në rrjetet sociale, në momentet kur maturantët kanë qenë duke i zhvilluar ato.
