Një hetim ka nisur nga SPAK pas publikimit të video-skandalit të kryebashkiakut të Kukësit Safet Gjici.
Një video me përmbajtje erotike është shpërndarë në rrjetet sociale dhe mediat online këtë të Premte, ku një ndër dy protagonistët është Safet Gjici.
Në pamje shquhet kryetari i Bashkisë së Kukësit dhe një femër, gjatë një akti intim që duket se është filmuar në zyrën e kreut të bashkisë.
Nga ana e Gjicit nuk ka ende asnjë reagim. Ndërkohë në media raportohet se kryeministri Edi Rama pritet ta shkarkojë nga detyra si kryebashkiak i Kukësit.
Nga ana tjetër, Prokuroria e Posaçme ka nisur një procedim penal pas publikimit të pamjeve, që dyshohet se janë filmuar në datën 6 qershor rreth orës 16:00.
