Kuçova është çështja e fundit që do të shqyrtohet nga Komisioni i Ankimimeve dhe Sanksioneve në mbledhjen e parashikuar për t’u zhvilluar në orën 13:00.
Kërkesa ankimore e depozituar nga koalicioni “Bashkë Fitojmë” dhe kandidati Lefter Maliqi ka 6 pika, një rej të cilave rinumëri i të gjitha votave.
Vetë Maliqi, në një reagim para seancës, shprehet se Kuçova duhet të bëhet shembull.
“Çdo i shitur dhe i blerë, që ka dhunuar procesin e votimit, që ka deformuar votat, që ka ndikuar në votim, që ka manipuluar apo lejuar shkelje të rënda gjatë procesit të votimit dhe numërimit do të përgjigjet para ligjit. Demokracia në rrezik! Bashkia Kuçovë, e grabitur dhe e manipuluar! Oligarku Salillari, falangat e krimit të ndihmuar nga Policia e Çuçit duhet të ndëshkohen moralisht dhe ligjërisht. Leku hedh ujin përpjetë nga të sipër përmendurit, por nuk hedh dot në erë votën e popullit. Mirënjohje banorëve të Kuçovës për votën e tyre masive dhe mbështetjen që me dhanë, të majtë dhe të djathtë! Mirënjohje e pakufishme! Së bashku do të ndryshojmë dhe zhvillojmë Kuçovën! Ndryshimi fillon pikërisht nga ky proces”, shkruan mes të tjerash Maliqi në një postim në rrjetet sociale.
***
Kërkesat e koalicionit “Bashkë Fitojmë”
– “Kërkojmë, ndryshimi i vendimit Nr. I01 datë 16.06.2023 të ZAZ Nr. 64 Bashkia Kuçovë, Qarku Berat, Për Miratimin e Tabelës Përmblëdhese të Rezultateve për Zgjedhjen e Kryetarit të Bashkisë Kuçovë”
– Kërkojmë, rinumërim dhe rivlerësim të votave për ZAZ-në Nr. 64, të gjitha QV-të duke përfshirë në të rezultatin e dalë nga rinumërimi dhe rivlerësimi i votave për QV-të e listuara në tabelë. – Kërkojmë pavlefshmërinë e Vendimit NR. 101 datë 16.05.2023, “Për Miratimin e Tabelës Përmbledhëse të Rezultateve për Zgjedhjen e Kryetarit të Bashkisë Kuçovë”
– Kërkojmë konstatimin e pavlefshmërisë së vendimit të KQZ ku është emëruar sekretari i ZAZ, Nr. 64 Kuçovë, shtetasi Romeo Arizi.
– Kërkojmë, pavlefshmërinë e vendimit të KZAZ, Nr. 64 Kuçovë, Qarku Berat, për shtyrjen e numërimit të votës, nga ora 11:00 deri në 12:30.
– Kërkojmë, pavlefshmërinë e pjesshme të fletës së votimit Kandidatët për Kryetar Bashkie për Bashkinë Kuçovë, në pikën ku është shënuar kanidati për Bashkinë Kuçovë Qarku Berat, Kreshnik Hajdari.
– Pavlefshmërinë e veprimit juridik, formularin e dekriminalizimit, në emër të Kreshnik Hajdarit dorëzuar pranë KQZ referuar ligjit, nr. 138/2015 ‘Për garantimin e integritet të personave që zgjidhen, emërohen ose ushtrojne funksione publike”.
