Në prag të hedhjes së shortit dhe pas mbarimit të Superiores dalin vendet, ku do të pozicionohen skuadrat tona para përballjeve europiane. Tirana me koeficient 4 tani është në Vazon e jofavoriteve.
Bardheblutë luftonin me skuadrat kosovare, estoneze dhe ato armene, por Drita u bëri gjëmën së bashku me Pjunikun. E sigurt është që Vllaznia e Egnatia janë te Vazoja e të dobëtave. Ekipet shqiptare vetëm me pjesëmarrjen kanë siguruar 250 mijë euro, por nëse kalojnë një tur, mund ta çojnë fitimin në 450 mijë euro.
Sipas asaj që ka publikuar UEFA, shorti për Europa Konferencë Ligë do të zhvillohet më 20 dhe 21 qershor 2023. Në këtë datë skuadrat shqiptare do të njohin kundërshtarët e tyre. Janë 62 skuadra, të cilat do të ndahen në pesë grupe nga 10 skuadra dhe një grup do të jetë me 12 ekipe.
Ndeshjet e turit të parë kualifikues në Europa Konferencë Ligë do të jenë më 13 dhe 20 korrik 2023. Ndeshjet e dyta janë më 27 korrik dhe 3 gusht.
