Luizi dhe Olta do të kenë një bashkëpunim së bashku, një film ku ata do të jenë protagonist kryesorë. Nga momenti që ky lajm u bë viral, të gjithë donin të dinin më shumë detaje.
Moderatori Blendi Salaj shfaqi mëngjesin e sotëm në emisionin “Wake Up” një baner të filmit dhe mësohet se produksioni është “Top Channel Films”.
“Në kuadër të dashurisë“, është titulli i filmit, që sic duket i referohet frazës më të famshme ‘në kuadër të lojës’. Në baner është dhe një përshkrim i filmit ku mësohet se do të jetë i zhanrit “komedi-romancë”.
“Do të jetë një histori e vërtetë dashurie në kohët moderne që ndërlidh jetën e dy njerëzve, dy familjeve të tyre në një komedi romantike që do t’u bëjë të qeshni, të qani dhe të dilni nga kinemaja të frymëzuar”- thuhet në përshkrimin e filmit.
