Koalicioni “Bashkë Fitojmë” ka paraqitur në KQZ kërkesën për rinumërim të të gjitha kutive të votimit në Bashkinë e Rrogozhinës.
Përfaqësuesi ligjor i koalicionit “Bashkë Fitojmë”, Ivi Kaso tha se vëzhguesit e tyre kanë vërejtur parregullsi në procesin e numërimit dhe tabulimit të rezultatit.
Kaso u shpreh se diferenca mes kandidatëve në këtë bashki është 30 vota, në një kohë që fletë të pavlefshme janë 276 vota, pra më shumë se 9 herë më shumë se diferenca mes kandidatëve.
