Beyonce i bëri një nderim të përzemërt Tina Turner gjatë koncertit të saj në Paris duke thënë se ajo nuk do të ishte në këtë skenë, nëse nuk do të ishte për këngëtaren e ndjerë.
Superylli i Pop-it ndërpreu performancën e saj në “Stade De France” për të kujtuar yllin që vdiq të mërkurën në moshën 83-vjeçare në shtëpinë e saj në Zvicër, pas një sëmundjeje të gjatë.
Turner, një nga zërat më të famshëm të rock-ut, bëri duet me Beyonce në vitin 2008 në çmimet Grammy, ku ato performuan këngën e saj hit “Proud Mary”.
“Unë dua të nderoj Tina Turner. Nëse jeni një fanse e imja, ju jeni një fanse e Tina Turner sepse unë nuk do të isha në këtë skenë pa Tina Turner, kështu që unë dua që ju thjesht të bërtisni, që ajo të ndjejë dashurinë tuaj”, tha Beyonce.
Beyonce është aktualisht në turneun e saj botëror “Rilindja” dhe ka planifikuar të performojë për pesë netë në stadiumin “Tottenham Hotspur” të Londrës nga e hëna.
Pas vdekjes së Turner, fituesja e “Grammy” Beyonce ishte ndër yjet botërore që e vlerësuan këngëtaren për kontributin e saj në botën e muzikës.
Duke ndarë një foto të performancës së tyre në Grammy në faqen e saj të internetit, Beyonce shkroi: “Mbretëresha ime e dashur. te dua pafund.
