Portugalia mëson emrin e skuadrës kampione por surpriza nuk ka. Benfica fiton titullin e 38 të historisë duke iu imponuar sërish rivalëve të vjetër të Portos për t’u rikonfirmuar në krye të klasifikimit edhe për këtë sezon, pavarësisht shitjes së dy xhevahirëve si Enzo Fernandez në janar dhe Darwin Nunez gjatë verës së kaluar.
Në ndeshjen e javës së fundit “Shqiponjat”, mposhtën 3-0 Santa Claran, duke e mbyllur sezonin në kuotën e 87 pikëve, ndërsa Portos së vendit të dytë nuk i vlejti suksesi 3-0 ndaj Vitoria Guimaraes sepse ekipi i “Dragonjve” e mbylli sezonin me dy pikë më pak.
Skuadra e tretë portugeze që do të luajë në Champions League sezonin e ardhshëm është Braga, që falë barazimit 1-1 në fushë ne Boavistës la në vendin e katërt Sportingun e Lisbonës që finalizoi një sezon të dështuar.
