Legjendari Lothar Matthaus hoqi dorë përfundimisht nga karriera e tij si trajner dhe bleu një klub në Gana.
Matthaus dhe dy partnerë blenë klubin e futbollit Accra Lions, i cili garon në Premier League e Ganës.
“Gana ka pasur gjithmonë talent, gjë që mund të shihet në ekipin kombëtar. Ne duam të sjellim lojtarë të rinj në Evropë dhe kjo është arsyeja pse ne po investojmë para në këtë klub,” tha Matthaus për Bild.
Accra Lions u shitën për dy milionë euro dhe nuk dihet se sa para janë investuar nga Matthaus dhe sa nga partnerët e tij në biznes, ish-menaxheri i futbollit Oliver Konig nga Frankfurt dhe futbollisti nga Gana Frank Acheampong.
Accra Lions janë themeluar në vitin 2015 dhe tre raunde para përfundimit të kampionatit janë në vendin e nëntë.
Pas një karriere të shkëlqyer lojtari në të cilën fitoi Topin e Artë në vitin 1990, ai punoi si trajner në Rapid të Vjenës, Partizan dhe Athletico Paranaense braziliane. Ai ishte trajner i Hungarisë dhe Bullgarisë, të cilat i drejtoi në vitin 2011 dhe kjo ishte puna e tij e fundit si trajner.
Ai aplikoi për postin e trajnerit të Kamerunit në vitin 2018, por nuk e mori vendin e punës.
