Mbi 1 mijë gjoba janë vendosur gjatë fundjavës nga punonjësit e policisë rrugore gjatë monitorimit të akseve të vendit nga Hani i Hotit e gjer në Sarandë, në ato që janë identifikuar si zona problematike.
Gjithashtu policia bën me dije se janë pezulluar rreth 100 patenta, për shkelje nga më të ndryshmet si tejkalim i shpejtësisë dhe drejtim i mjetit në gjendje të dehur.
Në prag në zgjedhjeve lokale, policia pothuajse u zhduk plotësisht madje shpesh herë bënte edhe një “sy qorr” kur konstatonte shkelje te Kodit Rrugor, me qëllimin e vetëm për të mos ngallur pakënaqesi dhe rebelim per qytetaret e cila do te perkthehej në votë kundër me 14 maj. Por çfarë ndodh pas zgjedhjeve lokale? Policia rikthehet me “dore te hekurt” për t’u hakmarrë ndaj qytetarëve.
Njoftimi i Policisë:
Policia Rrugore vijon monitorimin e qarkullimit rrugor, me pajisjet inteligjente.
Radarë automatikë, makina inteligjente dhe dronë edukues, nga Rruga e Kombit, Hani i Hotit deri në Sarandë, me qëllim parandalimin e aksidenteve rrugore.
Nisur nga fluksi i shtuar në fundjavë, drejt zonave bregdetare dhe turistike, shërbimet e Policisë Rrugore në të gjithë vendin kanë intensifikuar monitorimin e qarkullimit të automjeteve në të gjitha akset rrugore nacionale, ato kryesore rurale dhe në qendrat urbane, duke përdorur radarët automatikë, makinat inteligjente, dronët edukues dhe kamerat, me qëllim parandalimin e aksidenteve rrugore.ë 14 maj.
Si rezultat i monitorimeve, gjatë 48 orëve të fundit, janë konstatuar dhe ndëshkuar me masë administrative, 645 drejtues automjetesh, për parakalime të gabuara; 381 për mosvendosje të ripit të sigurimit; 406 për përdorim të aparatit celular gjatë drejtimit të automjetit; 173 për mosvendosje të kaskës mbrojtëse nga drejtuesit e motomjeteve.
Janë konstatuar me shpejtësi tej normave të lejuara dhe iu është pezulluar leja e drejtimit, me afat nga 3 deri në 12 muaj, 79 drejtuesve të automjeteve, duke filluar nga Rruga e Kombit deri në Sarandë.
Gjithashtu janë ndëshkuar me masë administrative 757 drejtues të automjeteve të cilët janë konstatuar me shpejtësi tej normave të lejuara, por pa sanksionin plotësues të pezullimit të lejes së drejtimit.
Po gjatë monitorimeve dhe kontrolleve me përzgjedhje, bazuar dhe në analizat e riskut, shërbimet e Policisë Rrugore, gjatë 48 orëve të fundit, kanë pezulluar 25 leje drejtimi, me afat nga 2 deri në 18 muaj, për drejtim mjeti nën efektin e alkoolit, si dhe kanë vënë në pranga 6 drejtues mjetesh, për drejtim mjeti në gjendje të dehur.
Gjithashtu kanë ndëshkuar me masë administrative për drejtim mjeti nën efektin e alkoolit, por pa sanksion plotësues, 39 drejtues mjetesh.
