Ngritja e një plantacioni kanabisi në afërsi të kënetës Camarasa, në Comarca de la Noguera, i ka kushtuar shtrenjtë dy shqiptarëve.
Ata u arrestuan nga autoritetet spanjolle nën akuzën e kultivimit të bimëve narkotike, teksa u sekuestruan gjithsej 3650 bimë marijuane dhe 1137 rrënjë kanabis.
Në aksionin e zhvilluar operacioni filloi kur agjentët e Gardës Civile të Balaguer u vunë në dijeni për ekzistencën e një baze të kultivimit të marijuanës në këtë zonë.
Mediat spanjolle raportojnë se të arrestuarit kishin ngritur një kamp të vogël me infrastrukturë të mjaftueshme për prodhimin dhe kultivimin e marijuanës.
Zona, përveçse terren i vështirë, ishte nën vëzhgim të vazhdueshëm nga të arrestuarit, për të mos u zbuluar nga policia.
Po ashtu mësohet se shqiptarët merrnin ujë nga këneta dhe vadisin kanabisin, ndërsa gjeneratorët i fshihnin poshtë pishave. Aktualisht shqiptarët janë në paraburgim, në pritje të dënimit të tyre.
