Kur na ndajnë më pak se tre orë nga mbyllja e qendrave të votimit, kandidati i koalicionit “Bashkë fitojmë” për bashkinë e Elbasanit, Luçiano Boçi i ka bërë thirrje qytetarëve që të dalin dhe të votojnë masivisht.
Boçi kërkon që qytetarët të bëhen pjesë e ndryshimit që do të vijë në bashkinë e Elbasanit, ndërsa theksoi që autoritetet administrative të PS po ushtrojnë presion mbi qytetarët pranë qendrave të votimit.
“Dilni masivisht në votime nëse doni një bashki me shërbime më të mira dhe me zhvillim ekonomik. Fitorja është e sigurt, ndryshimin e kërkon sot i madh e i vogël. bashkë do e sjellin e bashkë do e bëjmë ndryshimin, Sot vendoset fati i qytetit dhe i fëmijëve tanë.
Dilni dhe votoni, bëhuni pjesë e ndryshimit dhe e fitores për bashkinë që do i përkasë që nga nesër të gjithë qytetarëve.
PS e ka mbështetur fushatën e saj në akuza të pista, siç edhe kanë qenë akuzat pararendëse. Ne jemi thirrur nga komisionarët tanë për shkak të pranisë së autoriteteve administrative bashkiake të zyrtarit që nuk duhet të jenë të pranishëm atje. Ne nuk kemi kërkuar me dhunë votën e administratës siç edhe e ka kërkuar PS”, tha Boçi.
