Një rast i publikimit të votës në fletën e votimit është denoncuar nga koalicioni “Bashkë Fitojmë” në qytetin e Vlorës.
Në fletën e votimit që është publikuar shihet se vota ka shkuar për kandidatin e Partisë Socialiste, Ermal Dredha dhe është publikuar në rrjetet sociale.
“Në Vlorë shfaqen rastet e fotografimit të votës dhe publikimi në rrjetet sociale. Në foton e publikuar në Facebook, qytetari ka treguar publikisht votën për PS.
Kjo është një shkelje e rëndë që tregon qartë presionin që kanë qytetarët për të votuar dhe për ta deklaruar votën e tyre.
PD denoncon me forcë këtë fenomen dhe apelon institucionet të marrin masa për këtë. Fotografimi i votës është një veprim në kundërshtim me ligjin zgjedhor”, thuhet në njoftimin e PD.
