Procesi zgjedhor vijon dhe në Kamëz, ndonëse ka pasur probleme me identifikimin elektronik.
Rreth orës 09:00 të mëngjesit ka votuar dhe kandidati i “Bashkë Fitojmë”, Arjan Hoxha.
Po ashtu ai iu bëri thirrje komisionërëve dhe operatorëve të KQZ që të tregohen në lartësi të detyrës së tyre, për një proces dinjitoz.
“I uroj mbarësi. Një ditë e mbarë, një ditë shpresë. Shpresoj për një proces demokrati, gjithëpërfshirës. I uroj komisionerëve, operatorëve, pjesës administrative të këtij procesi që të ngrihen në lartësinë e këtij procesi për të garantuar një proces më transparentë dhe më gjithëpërfshirës. Një proces që duhet të jetë dinjitoz dhe të nxjerrin vullnetin e qytetarëve dhe votuesve të bashkisë së Kamzës. Do i kursej deklaratat politike. I ftoj të gjithë qytetarët me të drejtë vote që të shprehin vullnetin e tyre, për të vendosur për 4 vite. Ka na 3-4 probleme që janë probleme teknike me pajisje, te një institucion që i themi; kopshti i vjetër, me të cilat po merret KQZ.”, tha ai.
Më herët ka votuar edhe kandidati i koalicionit “Bashkë Fitojmë” për bashkinë e Tiranës, Belind Këlliçi.
