Kryetarja e komisionit të vëzguesve të ODIHR Audrey Glover u shpreh sot misioni do të presë fundin e procesit për të votimit për të dhënë vlerësime përkatëse në 14 maj.
Në një deklaratë për mediat, ajo u shpreh se “kemi 200 vëzhgues ndërkombëtarë që vëzhgojnë sot. Ne do të vëzhgojmë të gjithë procesin deri në fund të tij dhe më pas do të bëjmë vlerësimet përkatëse. Deri tani situata është e qetë, ndoshta edhe për shkak të motit”.
Ajo nuk dha një vlerësim për faktin që koalicion “Bashkë Fitojmë” nuk do të ketë numërues në gjysmën e vendeve të numërimit të votave, duke thënë se në fund të procesit do të japë një vlerësim edhe për këtë rast. Glover theksoi se të gjitha zgjedhjet janë të rëndësishme një shtet të caktuar.
“Situata deri tani është e qetë ndoshta edhe për shkak të motit. Procedurat e djeshme për shpërndarjen e materiale janë pjesë e raportit tonë që do të publikohet të hënën. Zgjedhjet nuk mund të krahasohen. Të gjitha zgjedhjet janë të rëndësishme kryesisht për votuesit sepse ato tregojnë se kë duan votuesit që t’i përfaqësojë ata. Zgjedhjet e fundit këtu patën një palë që nuk mori pjesë, nuk mund të krahasohen me ato sot. Dhe këtë pjesë të të procesit e po shohim në lidhje me pajisjet identifikuese”, deklaroi ajo.
Glover u shpreh gjithashtu se inspektimin e radhës do ta bëjnë në një nga qendrat e votimit ku zhvillohet votimi elektronik për të parë se si po ecën procesi.
