Dy punonjëse të Zyrës së Ndihmës Ekonomike në Këlcyrë janë proceduar penalisht nga policia.
Sipas njoftimit zyrtar të bluve, dy zyrtaret u kallëzuan se, në këmbim të votës, i kanë ofruar një vend pune për djalin një personi.
“Në përfundim të veprimeve të para proceduarale, të kryera në drejtimin e Prokurorisë, specialistët e Seksionit për Hetimin e Krimeve të Komisariatit të Policisë Përmet referuan materialet në Prokurori ku nisi procedimi penal për shtetaset D. A., 53 vjeçe dhe R. F., 40 vjeçe, banuese në Këlcyrë, punonjëse të Zyrës së Ndihmës Ekonomike Këlcyrë, pasi dyshohet se në këmbim të votës, i kanë ofruar një vend pune shtetasit A. B., për djalin e tij”, thuhet në njoftimin e policisë.
