Pak më shumë se 12 orë na ndajnë nga hapja e qendrave të votimit dhe finalizimi i procesit zgjedhor të 14 Majit, ku shqiptarët do të vendosin se cilët do të jenë 61 drejtuesit e rinj të bashkive të vendit.
Edhe pse kjo e shtunë përkon me heshtjen zgjedhore, duket se në disa zona, kryebashkiakët e majtë të dalë nga votimet moniste të 2019 po e shkelin me të dyja këmbët ligjin.
Milionat e tenderuara për çakull dhe asfalt elektoral po derdhen deri në minutat e fundit para nisjes së votimeve dhe këtë më së miri e tregon shembulli i bashkisë Selenicë.
Sipas raportimeve të Fax News, mjetet e punës së kësaj bashkie nuk kanë ndalur punën as sot, pasi janë fotografuar duke hedhur asfalt eklektoral në një pjesë të rrugës, në fshatin Kocul.
Ndërkohë, denoncime të ndryshme, janë bërë nga banorë të disa zonave për shpërndarje ushqimesh nga punonjës të bashkive, në tentativën e fundit për t’i hedhur “hi syve” qytetarëve.
