Tre punonjës të IKMT-së në qytetin e Dibrës janë arrestuar, pasi janë kapur në flagrancë duke shpërndarë para për vota brenda një pallati, nga ana e kandidatit të koalicionit “Bashkë Fitojmë”, Ismail Uka.
Mësohet se pallati ku kanë qenë tre punonjësit e IKMT, është mbajtur për 2 orë i rrethuar nga simpatizantë të opozitës, të cilët kanë konstatuar blerjen e votave dhe kanë thirrur menjëherë policinë.
Gjithashtu bëhet me dije se personat që shpërndanin vota janë pjesë e stafit të ngushtë të zv/kryeministres Belinda Balluku, e cila është njëherësh drejtuese politike e PS në qarkun e Dibrës.
Dyshimet për grupin e Ballukut që po shpërndante vota kanë lindur te banorët e Peshkopisë, të cilët pasi i kanë konstatuar në terren, kanë bllokuar hyrjen e pallatit, në mënyrë që policia të vepronte për t’i ndaluar.
Nga Dibra, kandidati opozitar Ismail Uka nënvizon se policisë i janë dashur rreth dy orë për të vepruar, duke u vendosur prangat Elton Lleshit (punonjës i IKMT) dhe dy punonjesve të tjera që gjendeshin me të.
