Drejtori i Bashkisë Berat, Bledi Çili drejton makinën pas konsumimit të alkoolit. Kjo u bë e ditur gjatë orëve të mbrëmjes së djeshme, në vazhdën e një konflikti të ndodhur në Velagosht të Beratit, pas ndalimit të një automjeti që në një natë me shi, hidhe zift elektoral.
Banorët të cilët ndaluan mjetin njoftuan kandidatin e opozitës Zija Ismaili, i cili pasi shkoi në vendngjarje, denoncoi me pamje atë që po ndodhte.
Zija Ismaili premtoi se punime të tilla, të kryera rishtas dhe për qëllime elektorale, me ardhjen e tij në krye të bashkisë nuk do të ketë më. Përkundrazi, tha se investimet do të jetë serioze.
Gjithashtu, denoncoi prezencën e forcave speciale të policisë në zonë, si një formë presioni ndaj qytetarëve.
Në një moment, Zija iu drejtua efektivëve, duke u kërkuar se pse nuk arrestonin drejtorin e bashkisë Bledar Çili, që para tyre, pas konsumimit të alkoolit, i hipte automjetetit.
Zija tha se drejtori ishte duke pirë birra në një lokal me pronarin e firmës “Shkëlqimi 07”. Një mjet me mbishkrimin e kompanisë ishte angazhuar me hedhjen e ziftit elektoral. Në QKB, kompania “Shkëlqimi 07” rezulton me pronar Shkëlqim Kapllanajn, vëllait të kandidatit të PD-së së vulës në Mallakastër, Agron Kapllanaj.
“Merrni Bled Çilin se ka pirë, pse s’merrni atë drejtorin. Duke pirë birra atje bashkë me atë pronarin, atë kapni ju që ishte duke pirë birra dhe i hipën makinës. Duke ngarë makinën në gjendje të dehur. Kjo është detyra që duhet të bëjë policia”, iu drejtua Ismaili – efektivëve të forcave speciale, që ishin prezent në zonë.
Më tej, për Bledi Çilin tha se “pinte birra dhe në sy të policisë, me birra të pira, nuk u bë një veprim (nga ana e policisë)”. “Mjeti (me mbishkrimin Shkëlqimi 07) u bllokua, policia të merret me këta, jo me qytetarët”, tha kandidati i “Bashkë Fitojmë” për Beratin.
Lexo edhe:
Kapllani i Alibeajt shtron rrugët në shi, policia presion mbi kandidatin e PD
