Egnatia arriti në finalen e Kupës së Shqipërisë për herë të parë në histori, duke mundur Vllazninë me rezultatin 1-0.
Një gol në minutën e fundit, i mjaftoi skuadrës rrogozhinase për të prekur finalen.
Festa në skuadrën e Egnatias ishte e madhe pas kësaj fitoreje. Kjo u pa edhe në konferencën për shtyp të trajnerit Edlir Tetova, e cila u ndërpre nga futbollistët.
Me kova e shishe uji, futbollistët e Egnatias u bënë pjesë e konferencës së shtypit në një mënyrë shumë origjinale, duke dhuruar spektakël me trajnerin e tyre.
