Një ngjarje e rëndë ka ndodhur në Kuçovë.
Ndërron jetë e moshuara, e cila mbeti nën rrënojat e banesës së saj pas shpërthimit të një bombole gazi. Sipas informacioneve viktimë ka mbetur shtetasja Alije Kosova, ndërsa u plagos burri i saj Mustafa Kosova i cili është transportuar me urgjencë në spital.
Ngjarja ka ndodhur në lagjen “11 Janari” dhe grupi hetimor, po vijon punën për sqarimin e plotë të rrethanave të ngjarjes.
Shërbimet e Policisë dhe të zjarrfikëses kanë shkuar menjëherë në vendngjarje dhe deri në këto momente kanë bërë të mundur nxjerrjen e bashkëshortit, i cili është dërguar në Spital për ndihmë mjekësore.
- Çfarë njofton policia për ngjarjen e rëndë në Kuçovë:
“Më datë 07.05.2023, rreth orës 06:00 në lagjen “11 Janari”, Kuçovë në një banesë ku jetonin shtetasit
M.K 86 vjeç dhe A.K., 84 vjeçe (bashkëshortë), ka shperthyer një bombol gazi dhe për pasojë një pjesë e banesës është rrëzuar.
Shërbimet e Policisë dhe të zjarrfikëses kanë shkuar menjëherë në vendngjarje dhe deri në këto momente kanë bërë të mundur nxjerrjen e shtetasit M.K, i cili është dërguar në Spital për ndihmë mjekësore.
Vijon puna për nxjerrjen e shtetases A.K.
Në vendngjarje ndodhen ekspertët zjarrfikës, kriminalist dhe Njësia speciale. Grupi hetimor po punon për sqarimin e rrethanave të ngjarjes.
Pas përfundimit të veprimeve paraprake në vendngjarje do të ketë informacion të plotë”, njofton policia.
- Pamjet, shikoni si u shemb banesa në Kuçovë:
Pamjet që shihni tregojnë banesën në Kuçovë, ku si pasojë e shpërthimit të një bombole gazi, është shembur thuajse gjysma e saj.
