Një 29-vjeçar është ndaluar ditën e sotme në pikën kufitare të Morinës.
Shtetasi me iniciale XH. Ç. është ndaluar pas një kontrolli të policisë në automjetin e tij, teksa iu gjetën 15 750 euro dhe 1 000 dollarë, të cilat po tentonte t’i fuste në vendin tonë, pa i deklaruar sipas ligjeve në fuqi.
Njoftimi:
Morinë – Tentoi të fuste në vendin tonë, 15 750 euro dhe 1 000 dollarë, pa i deklaruar konform ligjit, procedohet penalisht 29-vjeçari.
Sekuestrohet shuma e parave.
Si rezultat i kontrolleve të shtuara nga Policia Kufitare dhe falë informacioneve të shkëmbyera me Policinë spanjolle dhe Guardia di Finanza, në bashkëpunim me strukturat hetimore të DVP Kukës, është goditur një rast i mosdeklarimit të të hollave, pasi është kaluar në vijën e dytë, për kontroll të imtësishëm, automjeti me drejtues shtetasin XH. Ç.
Gjatë kontrollit në automjetin e tij, shërbimet e Policisë gjetën 15 750 euro dhe 1 000 dollarë, të cilat shtetasi Xh. Ç. po tentonte t’i fuste në vendin tonë, pa i deklaruar sipas ligjeve në fuqi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
