Pas vetëm 24 orësh, Bordi i Transparencës ka rishikuar çmimin e karburanteve në vend, duke vendosur uljen e tyre.
Sipas njoftimit zyrtar, bëhet me dije se çmimi i naftës dhe benzinës është ulur me 3 lekë.
Ndërkohë, për herë të parë prej shumë kohësh është ulur edhe çmimi i gazit me 4 lekë.
Çmimet e caktuara nga Bordi do të hynë në fuqi në datë 4 maj ora 18.00, dhe do të jenë të vlefshme deri në mbledhjen e ardhshme të këtij institucioni.
ÇMIMET E REJA
Nafta: 169 lekë/litri me pakicë, 157 lekë/litri me shumicë
Benzina: 172 lekë/litri me pakicë, 161 lekë/litri me shumicë
Gazi: 62 lekë/litri me pakicë, 50 lekë/litri për automjetet.
Çmimi i gazoilit për peshkim është vendosur 75 lekë/litri
Sipas njoftimit, vendimi është marrë referuar të dhënave lidhur me bursën Platts të datës 02.05.2023, ku rezulton se çmimi (FOB/MED $ Ton) i Benzinës është 740, -35 nga data 02.05.2023, $/ Ton, ndërsa çmimi i Gazoilit/Diesel është 633, -24 nga data 02.05.2023, $/Ton. Kursi i këmbimit i BSH ka pësuar ulje në 101.18 (- 0.62 nga data 02.05.2023).
